அசுரனுக்கு ஆஸ்கார் மிஸ் ஆகாது: கலைப்புலி எஸ்.தாணு
- IndiaGlitz, [Sunday,September 22 2019]
தனுஷ் நடிப்பில் வெற்றி மாறன் இயக்கிய ‘அசுரன்’ திரைப்படம் விரைவில் வெளிவரவிருக்கும் நிலையில் இந்த படம் ஆஸ்காரை மிஸ் செய்யாது என இந்த படத்தின் தயாரிப்பாளர் கலைப்புலி எஸ்.தாணு தெரிவித்துள்ளார்.
2019ஆம் ஆண்டிற்கான ஆஸ்கார் விருதுக்கு செல்லும் இந்திய திரைப்படங்கள் பட்டியல் நேற்று வெளியானது. இந்த பட்டியலில் வடசென்னை, சூப்பர் டீலக்ஸ், ஒத்த செருப்பு 7, ஆகிய தமிழ்ப்படங்களும் பரிசீலனையில் உள்ளன. இந்த மூன்று படங்களில் ஏதாவது ஒரு படம் ஆஸ்காருக்கு சென்று விருது பெற்றால் தமிழ் திரையுலகிற்கு உண்மையில் பெருமையே.
இந்த நிலையில் இந்த ஆண்டு தனுஷின் ‘வடசென்னை’ ஆஸ்கர் விருதுக்கான இந்திய படங்களின் பரிந்துரை பட்டியலில் இருப்பது போல் அடுத்த ஆண்டு ஆஸ்கர் விருது பரிந்துரை பட்டியலில் ‘அசுரன்’ திரைப்படம் இருக்கும் என ’அசுரன்’ படத்தின் தயாரிப்பாளர் கலைப்புலி எஸ்.தாணு அவர்கள் தனது சமூக வலைத்தளத்தில் குறிப்பிட்டுள்ளார். தேசிய விருது உள்பட பல விருதுகளை பெற்றுவிட்ட தனுஷ், ஆஸ்கார் விருதையும் பெறுவாரா? என்பதை பொறுத்திருந்து பார்ப்போம்.