தனுஷ் நடித்த ’அசுரன்’ திரைப்படம் வரும் வெள்ளியன்று பிரமாண்டமாக வெளியாக உள்ள நிலையில் இந்த படத்தின் புரமோஷன் பணிகள் முழுவீச்சில் நடைபெற்று வருகின்றன. சமீபத்தில் இந்த படத்திற்கு சென்சார் அதிகாரிகள் ’யு’ சான்றிதழ் அளித்தனர் என்பதை பார்த்தோம். தற்போது இந்த படத்தின் ரன்னிங் டைம் குறித்த தகவல்கள் வெளிவந்துள்ளது

இந்த படத்தின் ரன்னிங் டைம் 140 நிமிடங்கள் ஆகும். அதாவது இரண்டு மணி நேரம் 20 நிமிடங்கள் இந்த படத்தின் ரன்னிங் டைம் என்பது குறிப்பிடத்தக்கது. ஒரு ஆக்சன் படத்திற்கு உரிய சரியான ரன்னிங் டைமை இந்த படம் பெற்றுள்ளது இந்த படத்திற்கு ஒரு பிளஸ் ஆக கருதப்படுகிறது

வெற்றிமாறன் இயக்கத்தில், ஜிவி பிரகாஷ் இசையில் உருவாகியுள்ள இந்த படத்தில் தனுஷ், மஞ்சுவாரியர், பாலாஜி சக்திவேல், பிரகாஷ் ராஜ், பசுபதி, சுப்பிரமணியன் சிவா, பசுபதி, ஆடுகளம் நரேன், யோகிபாபு, குருசோமசுந்தரம் உள்பட பலர் நடித்துள்ளனர். இந்த படத்தை கலைப்புலி எஸ்.தாணு தயாரித்துள்ளார். வேல்ராஜ் ஒளிப்பதிவில், விவேக் ஹர்ஷன் படத்தொகுப்பில் உருவாகியுள்ள இந்த படம் எழுத்தாளர் பூமணி எழுதிய 'வெக்கை' என்ற நாவலை தழுவி உருவாக்கப்பட்ட படம் என்பது குறிப்பிடத்தக்கது.