தனுஷ் நடிப்பில் வெற்றிமாறன் இயக்கி வரும் 'அசுரன்' படத்தின் முதல்கட்ட படப்பிடிப்பு சமீபத்தில் முடிவடைந்த நிலையில் இன்று முதல் இரண்டாம் கட்ட படப்பிடிப்பு தொடங்கவுள்ளது.

'அசுரன்' படத்தின் அடுத்த கட்ட படப்பிடிப்பு இன்று விருதுநகரில் நடைபெறவுள்ளதை அடுத்து தனுஷ் உள்பட படக்குழுவினர் அனைவரும் நேற்றே விருதுநகருக்கு சென்றனர். அவரை விருதுநகர் தனுஷ் ரசிகர் மன்ற நிர்வாகிகள் சிறப்பான முறையில் வரவேற்றனர். விருதுநகர் மற்றும் அதன் சுற்றுப்புறத்தில் உள்ள முக்கிய பகுதிகளில் இன்றுமுதல் இந்த படத்தின் படப்பிடிப்பு நடைபெறவுள்ளது.

தனுஷ், மஞ்சுவாரியர் முதல்முறையாக ஜோடி சேர்ந்து நடிக்கும் இந்த படத்தில் வடிவேலு, அஜய்ராஜ், பிரேம்ஜி அமரன், விஜய்வசந்த், வைபவ், நிதின் சத்யா உள்ளிட்ட பலர் நடித்து வருகின்றனர். இந்த படத்திற்கு ஜிவி பிரகாஷ் இசையமைத்து வருகிறார். வேல்ராஜ் ஒளிப்பதிவில் விவேக் ஹர்சன் படத்தொகுப்பில் உருவாகி வரும் இந்த படத்தை கலைப்புலி எஸ்.தாணு தயாரித்து வருகிறார்.