தனுஷ் நடித்த அசுரன் திரைப்படம் வரும் அக்டோபர் 4ஆம் தேதி உலகம் முழுவதும் பிரமாண்டமாக வெளியாகவுள்ளது. இந்த நிலையில் கடந்த சில நாட்களாக இந்த படத்தின் புரமோஷன் பணிகள் ஜெட் வேகத்தில் நடைபெற்று வந்த நிலையில் தற்போது இந்த படத்தின் சென்சார் குறித்த தகவல்கள் வெளிவந்துள்ளது

'அசுரன்' படத்தை பார்த்த சென்சார் அதிகாரிகள் இந்த படத்திற்கு 'யுஏ' சான்றிதழ் அளித்துள்ளனர். இந்த படத்திற்கு சென்சார் சான்றிதழ் கிடைத்ததை அடுத்து இந்த படம் வரும் 4ஆம் தேதி வெளியாவது உறுதி செய்யப்பட்டுள்ளது

தனுஷ், மஞ்சுவாரியர், பாலாஜி சக்திவேல், பிரகாஷ் ராஜ், பசுபதி, சுப்பிரமணியன் சிவா, பசுபதி, ஆடுகளம் நரேன், யோகிபாபு, குருசோமசுந்தரம் உள்பட பலர் நடித்துள்ள இந்த படத்தை கலைப்புலி எஸ்.தாணு தயாரித்துள்ளார். வெற்றிமாறன் இயக்கத்தில் வேல்ராஜ் ஒளிப்பதிவில், விவேக் ஹர்ஷன் படத்தொகுப்பில், ஜிவி பிரகாஷ் இசையில் இந்த படம் உருவாகியுள்ளது. இந்த படம் எழுத்தாளர் பூமணி எழுதிய 'வெக்கை' என்ற நாவலை தழுவி உருவாக்கப்பட்ட படம் என்பது குறிப்பிடத்தக்கது.