தனுஷ் நடித்த ’அசுரன்’ திரைப்படம் உள்பட ஒரு சில திரைப்படங்களில் நடித்த நடிகைக்கு கொரோனா பாதிப்பு ஏற்பட்டுள்ளதை அடுத்து அவர் தன்னைத்தானே தனிமைப்படுத்திக் கொண்டதாக அறிவித்துள்ளார்

தனுஷ் நடித்த ’அசுரன்’ உள்பட பல திரைப்படங்களில் நடித்தவர் நடிகை அம்மு அபிராமி. இவருக்கு கடந்த சில நாட்களுக்கு முன்னர் திடீரென காய்ச்சல் ஏற்பட்டது. இதனையடுத்து அவர் கொரோனா வைரஸ் பரிசோதனை செய்து கொண்டதை அடுத்து அவருக்கு கொரோனா பாசிட்டிவ் என்று ரிசல்ட் வந்தது

இது குறித்து அவர் தனது சமூக வலைத்தளத்தில் கூறியபோது ’எனக்கு காய்ச்சல் அறிகுறிகள் இருந்த நிலையில் மருத்துவர்களின் பரிந்துரையை அடுத்து பரிசோதனை செய்து கொண்டேன். அப்போது எனக்கு கொரோனா தொற்று இருப்பது உறுதியானது. இதனை அடுத்து மருத்துவரின் ஆலோசனைப்படி வீட்டில் என்னை நானே தனிமை படுத்துக்கொண்டேன். மருத்துவரின் பரிந்துரையின்படி மருந்துகளை எடுத்து வருகிறேன். முன்பை விட வலிமையாக மீண்டும் குணமாகி திரும்புவேன் என்ற நம்பிக்கை எனக்கு இருக்கிறது. அனைவரும் பாதுகாப்பாக இருங்கள், அதிக கவனமாக இருங்கள்’ என்று கூறியுள்ளார்

இதனையடுத்து அம்மு அபிராமி விரைவில் குணமாக வேண்டும் என்று அவரது ரசிகர்கள் வாழ்த்து தெரிவித்து வருகின்றனர்.

After fever symptom I have tested positive for covid19,
With Doctor's advise I have Isolated myself at home and taking required medicines and care??...Will be back stronger than ever??please stay safe and take lots of care❤️

— AmmuAbhirami (@Ammu_Abhirami) May 2, 2021