ஆணுறை வாங்கி வர முடியாது என்றதால் படத்தில் இருந்து நீக்கம்.. தமிழ் ஹீரோ மீது உதவி இயக்குனரின் குற்றச்சாட்டு..!
- IndiaGlitz, [Thursday,August 22 2024]
தமிழ் திரையுலகின் ஹீரோ ஒருவர் ஆணுறை வாங்கி வரச் சொன்னதாகவும், முடியாது என்று சொன்னதால் தன்னை படத்திலிருந்து தூக்கி விட்டதாகவும், உதவி இயக்குனர் ஒருவர் சமீபத்தில் பேட்டி அளித்திருப்பது பரபரப்பை ஏற்படுத்தி உள்ளது.
தமிழ் திரையுலகின் ஹீரோக்களில் ஒருவர் நகுல் என்பதும் இவர் கடந்த 2003 ஆம் ஆண்டு ஷங்கர் இயக்கிய ‘பாய்ஸ்’ என்ற திரைப்படத்தின் மூலம் அறிமுகமாகி அதன் பிறகு ’காதலில் விழுந்தேன்’ என்ற படத்தின் மூலம் கதாநாயகன் ஆனார்.
இந்த நிலையில் நகுல் நடித்த ’வாஸ்கோடகாமா’ என்ற திரைப்படம் கடந்த 2ஆம் தேதி வெளியான நிலையில் இந்த படத்தில் பணிபுரிந்த துணை இயக்குனர் ஒருவர் சமீபத்தில் அளித்த பேட்டியில் நகுல் குறித்து சர்ச்சைக்குரிய கருத்துக்களை தெரிவித்துள்ளார்.
தன்னிடம் மூன்று ஆணுறைகளை வாங்கி வரும்படி நகுல் கூறியதாகவும் தனக்கு வேலை இருப்பதால் இப்போது முடியாது என்று கூறியும் எனக்கு நகுல் அழுத்தம் கொடுத்ததாகவும் அதற்கு நான் மறுக்கவே என்னை படத்தில் இருந்து நகுல் தூக்கி விட்டார் என்றும் குறிப்பிட்டுள்ளார். மேலும் அந்த படத்தில் பணிபுரிந்ததற்காக இரண்டு வருட சம்பளம் தனக்கு வரவில்லை என்றும் படத்தின் டைட்டிலில் கூட எனது பெயரும் வரவில்லை என்று கூறியுள்ளார்.
அது மட்டும் இன்றி இந்த படத்தில் முதலில் நடிக்க இருந்தது வேறொரு நடிகை என்றும் அவர் அட்ஜஸ்ட்மெண்ட்டுக்கு ஒத்துக்கொள்ள மாட்டார் என்பதால் அவரை படத்திலிருந்து நகுல் தூக்கி விட்டார் என்றும் அவர் கூறியுள்ளார். அவரது இந்த குற்றச்சாட்டு பெரும் அதிர்ச்சியை ஏற்படுத்தியுள்ளது.