పాప‌కు జ‌న్మ‌నిచ్చిన అసిన్...
- IndiaGlitz, [Wednesday,October 25 2017]
గ‌జిని ఫేమ్ అసిన్ అందరికీ గుర్తుండే ఉంటుంది. ఆ సినిమాలో సంజ‌య్ రామ‌స్వామి ల‌వ‌ర్‌గా అసిన్ చేసిన పాత్ర అందరికీ గుర్తుండి పోతుంది. ఆ సినిమాలో అసిన్ పాత్ర‌ధారికి సంజ‌య్ రామ‌స్వామి అనే సెల్ ఫోన్ ఓన‌ర్‌ని ప్రేమిస్తుంది. అలాగే నిజ జీవితంలో కూడా అసిన్, మైక్రో మ్యాక్స్ కో ఫౌండ‌ర్ రాహుల్ శ‌ర్మ‌ను ప్రేమించి పెళ్లి చేసుకుంది. ఈ దంప‌తుల‌కు ఓ పాప పుట్టింది.
ఈ విష‌యాన్ని అసిన్ త‌న ఇన్‌స్టాగ్రామ్ ద్వారా తెలియ‌జేసింది. 'మాకు ఏంజిల్‌లాంటి ఆడపిల్ల పుట్టినందుకు ఉబ్బితబ్బిబ్బవుతున్నాం. గత తొమ్మిది నెలలు నాకు, నా భర్తకు ఎంతో ప్రత్యేకం. అభిమానులకు, శ్రేయోభిలాషులకు ధన్యవాదాలు.' అని అసిన్ మెసేజ్ పోస్ట్ చేశారు. అలాగే అసిన్, రాహుల్‌శ‌ర్మ‌కు స్నేహితుడైన అక్ష‌య్‌కుమార్ పాప‌ను ఎత్తుకుని దిగిన ఫోటోల‌ను షేర్ చేసి అభినంద‌న‌లు తెలిపాడు. రాహుల్ శ‌ర్మ, అసిన్‌ల‌కు గత ఏడాది జ‌న‌వ‌రిలో వివాహం జ‌రిగింది.