బాహుబ‌లి 2 నైజాం హ‌క్కులు ఎసియ‌న్ ఎంట‌ర్ ప్రైజెస్ సొంతం..!
- IndiaGlitz, [Thursday,October 13 2016]
ప్ర‌పంచ వ్యాప్తంగా అఖండ విజ‌యాన్ని సాధించిన బాహుబ‌లి చిత్రానికి రెండో భాగంగా రూపొందుతున్న బాహుబ‌లి ది క‌న్ క్లూజ‌న్ తెలంగాణ (నైజాం) హక్కులను ఎసియ‌న్ ఎంట‌ర్ ప్రైజెస్ అధినేత‌లు నారాయ‌ణ్ దాస్ నారంగ్, సునీల్ నారంగ్ లు 50 కోట్ల ఫ్యాన్సీ రేటుకు ద‌క్కించుకున్నారు. భారీ మొత్తానికి హక్కులను సొంతం చేసుకోవ‌డం ఇండ‌స్ట్రీ వ‌ర్గాల్లో హాట్ టాపిక్ గా మారింది.
ఈ సంద‌ర్భంగా ఎసియ‌న్ ఎంట‌ర్ ప్రైజెస్ అధినేత‌లు నారాయ‌ణ్ దాస్ నారంగ్, సునీల్ నారంగ్ మాట్లాడుతూ....గ‌తంలో మా సంస్థ ద్వారా ఎన్నో విజ‌య‌వంత‌మైన చిత్రాల‌ను తెలంగాణ‌లో పంపిణీ చేసాం. తాజాగా బాహుబ‌లి చిత్రానికి ఉన్న క్రేజ్ దృష్ట్యా పోటీ మ‌ధ్య బాహుబ‌లి ది క‌న్ క్లూజ‌న్ హక్కులను పెద్ద మొత్తానికి సొంతం చేసుకున్నాం. బాహుబ‌లి ది బిగినింగ్ చిత్రం ప్ర‌పంచ వ్యాప్తంగా ప్రేక్ష‌కుల ఆద‌ర‌ణ‌ను చూర‌గొన్న విష‌యం తెలిసిందే. దీంతో బాహుబ‌లి ది క‌న్ క్లూజ‌న్ పై భారీ స్ధాయిలో అంచ‌నాలు నెల‌కొన్నాయి. ఈ సినిమా ఘ‌న విజ‌యం సాధిస్తుంద‌నే న‌మ్మ‌కం ఉంది. మా సంస్థ‌కు మంచి పేరు తీసుకువ‌స్తుంద‌ని ఆశిస్తున్నాం అని తెలిపారు.