உலக நாயகன் கமல்ஹாசன் நடித்து முடித்துள்ள 'பாபநாசம்' திரைப்படம் வரும் வெள்ளியன்று பிரமாண்டமாக உலகம் முழுவதும் பெரும்பாலான தியேட்டர்களில் ரிலீஸாகவுள்ளது. இந்நிலையில் கமல் நடித்து வரும் அடுத்த படமான 'தூங்காவனம்' படத்தின் படப்பிடிப்பு முழுவீச்சில் நடைபெற்று வருகிறது.

த்ரிஷயம்' படத்தில் மோகன்லாலையும், பாபநாசம்' படத்தில் கமல்ஹாசனையும் பெண் போலீஸ் வேடத்தில் டார்ச்சர் செய்த நடிகை ஆஷா ஷரத், தூங்காவனம் படத்தில் ஒரு முக்கிய கேரக்டரில் நடிக்கவுள்ளார் என்பதை ஏற்கனவே பார்த்தோம். தற்போது அவர் 'டாக்டர்' வேடத்தில் இந்த படத்தில் நடித்து வருவதாக தகவல் வெளிவந்துள்ளது.

மீண்டும் கமல் படத்தில் நடிப்பது குறித்து ஆஷா சரத் தனது சமூக வலைத்தள பக்கத்தில் கூறியபோது, 'கமலின் தூங்காவனம் படத்தில் நடிக்க வாய்ப்பு கிடைத்ததும் எனக்கு த்ரில்லிங்காக இருந்தது. என்னுடைய நடிப்பின் மீது நம்பிக்கை வைத்து கமல் கொடுத்த இந்த வாய்ப்புக்கு நன்றி. இந்த வாய்ப்பு எனக்கு கிடைக்க காரணமாக இருந்த ஆடியன்ஸ்களுக்கும் எனது நன்றி' என்று கூறியுள்ளார்.

கமல்ஹாசன், த்ரிஷா, பிரகாஷ்ராஜ், சம்பத், கிஷோர், யூகிசேது, மற்றும் பலர் நடித்து வரும் இந்த படத்திற்கு ஜிப்ரான் இசையமைக்கின்றார். ராஜேஷ் எம்.சில்வா இயக்கி வரும் இந்த படம் இவ்வருட இறுதியில் வெளியாகும் என எதிர்பார்க்கப்படுகிறது.