ஹரியாணா மாநிலத்தில் 28 வயது இளைஞர் ஒருவர் கஞ்சா கிடைக்காமல் விரக்தியில் சமையலறை கத்தியை விழுங்கிய சம்பவம் கடும் பரபரப்பை ஏற்படுத்தி இருக்கிறது. இவர் கடந்த ஒரு மாதத்திற்கு முன்பே கத்தியை விழுங்கியதாகவும் கூறப்படுகிறது. கஞ்சா கிடைக்காத விரக்தியில் 20 செ.மீட்டருள்ள கத்தியை அப்படியே முழுமையாக விழுங்கியிருக்கிறார். இந்த விஷயம் வீட்டில் யாருக்கும் தெரியாமல் இருந்திருக்கிறது. திடீரென்று அதிகப் பசி மற்றும் வயிற்று வலி ஏற்படுவதாக கூறியிருக்கிறார். உடனே அவரது குடும்பத்தினர் டெல்லி எய்ம்ஸ் மருத்துவமனைக்கு அழைத்துச் சென்றிருக்கின்றனர்.

அங்கு ஸ்கேன் செய்துபார்த்த போது வயிற்றில் கத்தி இருப்பது தெரிய வந்திருக்கிறது. அதுவும் உயிருக்கு ஆபத்தான நிலையில் பித்தப்பைக்கு அருகிலேயே இருந்திருக்கிறது. உடனே அறுவை சிகிச்சை செய்து எய்ம்ஸ் மருத்துவர்கள் பத்திரமாக கத்தியை அகற்றியுள்ளனர். இந்த அறுவைச் சிகிச்சைக்கு 3 மணி நேரம் எடுத்துக் கொண்டதாகவும் கூறப்படுகிறது. ஒரு முளு நீளக் கத்தியை ஒரு மாதத்திற்கு முன்பு விழுங்கி அந்த ஆபத்தில் இருந்து உயிர் பிழைத்தும் இருக்கிறார். இதுகுறித்து மருத்துவர்களே வியப்பை வெளிப்படுத்தி இருக்கின்றனர் என்பதும் குறிப்பிடத்தக்கது.