ஆர்யா-சாயிஷா ரசிகர்களுக்கு ஒரு அசத்தலான அப்டேட்!
- IndiaGlitz, [Wednesday,February 12 2020]
தமிழ் சினிமாவின் நட்சத்திர ஜோடிகளில் ஆர்யா-சாயிஷா ஜோடியும் ஒன்று என்பது தெரிந்ததே. இந்த ஜோடி முதன்முதலாக திரையில் ஜோடியாக இணைந்து நடித்து வரும் திரைப்படம் ‘டெடி’. இந்த படத்தின் படப்பிடிப்பு முடிவடைந்து தற்போது போஸ்ட் புரொடக்ஷன் பணிகள் நடைபெற்று வருகிறது.
இந்த படம் வரும் ஏப்ரல் மாதம் வெளியிட திட்டமிடப்பட்டு இருப்பதாக கூறப்படும் நிலையில் தற்போது இந்த படத்தின் புரமோஷன் பணிகளை படக்குழுவினர் தொடங்கியுள்ளனர். முதல்கட்டமாக ‘டெடி’ படத்தில் இடம்பெற்ற ’தனிமையே’ என்ற அழகான மெலடி பாடல் வரும் 14ஆம் தேதி காலை 11 மணிக்கு வெளியாக உள்ளதாக படக்குழுவினர் தற்போது அறிவித்துள்ளனர்.
மெலடி இசை மன்னர் டி.இமான் இசையமைத்துள்ள இந்த பாடலை சித்ஸ்ரீராம் பாடி உள்ளதாகவும் மதன் கார்க்கி இந்த பாடலை எழுதி உள்ளதாகவும் அறிவிக்கப்பட்டுள்ளது. சக்தி சௌந்தர்ராஜன் இயக்கத்தில் உருவாகியுள்ள இந்த படத்தை ஸ்டுடியோ கிரீன் நிறுவனத்தின் ஞானவேல்ராஜா தயாரித்துள்ளார். இந்தப்பாடல் ஆர்யா-சாயிஷா ரசிகர்களுக்கு விருந்தாக இருக்கும் என எதிர்பார்க்கப்படுகிறது.