ஆர்யாவின் அடுத்த பட டைட்டில் அறிவிப்பு
- IndiaGlitz, [Saturday,March 09 2019]
நடிகர் ஆர்யா, நடிகை சாயிஷாவை நாளை திருமணம் செய்யவுள்ள நிலையில் சற்றுமுன் அவர் நடிக்கவுள்ள அடுத்த படம் குறித்த அறிவிப்பு வெளிவந்துள்ளது
ஆர்யாவின் அடுத்த படத்தை பிரபல தயாரிப்பு நிறுவனமான ஸ்டுடியோக்ரீன் நிறுவனம் தயாரிக்கவிருப்பதாகவும், இந்த படத்தை சக்தி செளந்திரராஜன் இயக்கவுள்ளதாகவும் வெளிவந்த செய்தியை நேற்று பார்த்தோம். இந்த நிலையில் இந்த படத்திற்கு 'டெடி' என்ற டைட்டில் வைக்கப்பட்டு டைட்டில் போஸ்டரும் வெளியாகியுள்ளது.
இந்த படத்திற்கு டி.இமான் இசையமைக்கவுள்ளார். இந்த படத்தில் நடிக்கும் நாயகி உள்பட மற்ற நட்சத்திரங்கள் மற்றும் தொழில்நுட்ப கலைஞர்கள் குறித்த அறிவிப்பு விரைவில் வெளியாகவுள்ளது.
நடிகர் ஆர்யா ஏற்கனவே 'சந்தனத்தேவன்', 'காப்பான்', 'மகாமுனி' ஆகிய படங்களில் நடித்து வருகிறார் என்பது குறிப்பிடத்தக்கது.