தமிழ் திரையுலகில் ஆர்யா மற்றும் விஷால் ஆகியோர் நெருங்கிய நட்புடன் உள்ளவர்கள் என்றும் இருவரும் இணைந்து நடித்த ’அவன் இவன்’ திரைப்படம் மிகப்பெரிய வரவேற்பை பெற்றது என்பதும் தெரிந்ததே. இந்த நிலையில் திரையிலும் திரைக்கு வெளியேயும் நட்புடன் இருக்கும் விஷால் மற்றும் ஆர்யா முதல் முதலாக ஒருவருக்கொருவர் எதிரிகளாக உள்ளனர்

ஆம் விஷால் நடிக்கும் அடுத்த படத்தில் ஆர்யா தான் வில்லன் என்பது குறிப்பிடத்தக்கது. விக்ரம் நடித்த ’இருமுகன்’ படத்தை அடுத்து இயக்குனர் ஆனந்த் ஷங்கர் இயக்கவுள்ள அடுத்த படத்தில் விஷால் நடிக்க உள்ளார். விஷால் பிலிம் பேக்டரி தயாரிக்கவுள்ள இந்த படத்தின் படப்பிடிப்பு வரும் மே மாதம் முதல் தொடங்க உள்ளது

இந்த படத்தில் விஷாலுக்கு ஜோடியாக ரிதுவர்மா நடிக்க உள்ளார் என்பதும் இவர் ஏற்கனவே கௌதம் மேனன் இயக்கிய துருவ நட்சத்திரம் என்ற படத்தில் நடித்துள்ளார் என்பது குறிப்பிடத்தக்கது

இந்த நிலையில் இந்த படத்தில் விஷாலுக்கு வில்லனாக ஆர்யா நடிக்க உள்ளதாகவும் இருவருக்கும் அதிரடி சண்டை காட்சிகள் இந்த படத்தில் இருப்பதாகவும் செய்திகள் வெளியாகியுள்ளது. முதன்முதலாக ஆர்யா மற்றும் விஷால் திரையில் மோதவுள்ளது ரசிகர்களுக்கு ஒரு வித்தியாசமான அனுபவமாக இருக்கும் என கருதப்படுகிறது. இந்த படத்தில் நடிக்கும் மற்ற நட்சத்திரங்கள் மற்றும் தொழில்நுட்ப கலைஞர்கள் குறித்த தேர்வு நடைபெற்று வருவதாகவும் விரைவில் இந்த படம் குறித்த அதிகாரப்பூர்வ அறிவிப்பு வெளியாகும் என்றும் கூறப்படுகிறது