அடல்ட் காமெடி பட இயக்குனரின் முதல் 'யூ' படம்
- IndiaGlitz, [Thursday,May 31 2018]
'ஹரஹர மகாதேவகி' மற்றும் 'இருட்டு அறையில் முரட்டு குத்து' ஆகிய இரண்டு 'ஏ' சான்றிதழ் அடல்ட் காமெடி படங்களை இயக்கி கோலிவுட்டில் பெரும் பரபரப்பை ஏற்படுத்தியவர் இயக்குனர் சந்தோஷ் ஜெயகுமார். இவருக்கு பல்வேறு வகையான விமர்சனங்கள் கிடைத்தபோதிலும் இரண்டு படங்களும் வசூல் அளவில் மிகப்பெரிய வெற்றி பெற்று தயாரிப்பாளரை மகிழ்ச்சியில் ஆழ்த்தியது
இந்த நிலையில் இரண்டு அடல்ட் காமெடி படத்திற்கு பின்னர் ஆர்யா, சாயிஷா நடித்த 'கஜினிகாந்த்' என்ற படத்தை சந்தோஷ் ஜெயகுமார் இயக்கி வந்தார். இந்த படத்தின் படப்பிடிப்பு சமீபத்தில் முடிவடைந்து தற்போது போஸ்ட் புரடொக்சனும் முடிந்து சென்சாருக்கு சென்றது.
இந்த படத்தை பார்த்த சென்சார் அதிகாரிகள் 'யூ' சான்றிதழ் அளித்துள்ளனர். எனவே அடல்ட் காமெடி படம் மட்டுமின்றி தன்னால் 'யூ' படமும் இயக்க முடியும் என்பதை நிரூபித்து சர்ச்சைகளுக்கு முற்றுப்புள்ளி வைத்துள்ளார் இயக்குனர் சந்தோஷ்
ஆர்யா, சாயிஷா, கருணாகரன், சதீஷ், காளி வெங்கட், ராஜேந்திரன், சம்பத் ராஜ், ஆடுகளம் நரேன் உள்பட பலர் நடித்துள்ள இந்த படத்திற்கு பாலமுராளி பாலு இசையமைத்துள்ளார். ஸ்டுடியோக்ரீன் ஞானவேல்ராஜா தயாரித்துள்ள இந்த படம் மிக விரைவில் ரிலீசாகும் என எதிர்பார்க்கப்படுகிறது.