சூப்பர் ஸ்டார் ரஜினிகாந்த் நடித்த 'மாப்பிள்ளை', 'தங்கமகன்', 'போக்கிரி ராஜா', உள்பட பல படங்களின் டைட்டில்கள் தற்போது வெளியாகும் புதிய படங்களுக்கு பயன்படுத்தப்பட்டு வரும் நிலையில் அவர் நடித்த இன்னொரு படமான 'தனிக்காட்டு ராஜா' படத்தின் டைட்டிலும் புதிய படம் ஒன்றுக்கு வைக்கப்படவுள்ளதாக செய்திகள் வெளிவந்துள்ளது.

ரஜினிகாந்த், ஸ்ரீதேவி, ஸ்ரீபிரியா நடித்த இந்த படத்தின் டைட்டில் தற்போது ஆர்யா, கேதரின் தெரசா நடிப்பில் 'மஞ்சப்பை' ராகவன் இயக்கவுள்ள படத்திற்கு தேர்வு செய்யப்பட்டிருப்பதாக கூறப்படுகிறது. இந்த படத்தில் ஆர்யா காட்டுவாசியாக நடிக்கவுள்ளார் என்பதும், காட்டில்தான் இந்த படத்தின் பெரும்பாலான படப்பிடிப்பு நடைபெறவுள்ளதாலும் 'தனிக்காட்டு ராஜா' என்ற இந்த இந்த டைட்டில் மிகப்பொருத்தமாக இருக்கும் என படக்குழுவினர் கருதுவதாக கூறப்படுகிறது.

சூப்பர் குட் பிலிம்ஸ் ஆர்.பி.செளத்ரி தயாரிக்கும் இந்த படத்திற்கு யுவன்ஷங்கர் ராஜா இசையமைக்கின்றார். இந்த படத்தில் நடிக்கவுள்ள மற்ற நடிகர், நடிகைகள் மற்றும் டெக்னீஷியன் தேர்வு நடைபெற்று வருவதாகவும், மிக விரைவில் இந்த படத்தின் படப்பிடிப்பு தொடங்கும் என்றும் கூறப்படுகிறது.