விஷால், சமந்தா, அர்ஜூன் நடிப்பில் அறிமுக இயக்குனர் பி.எஸ்.மித்ரன் இயக்கத்தில் கடந்த வாரம் வெளிவந்த இரும்புத்திரை' படத்திற்கு மிகப்பெரிய வரவேற்பு கிடைத்தது மட்டுமின்றி பாக்ஸ் ஆபீஸ் வசுலிலும் சாதனை படைத்து வருகிறது.

இந்த படத்தின் மிகப்பெரிய வெற்றிக்கு முக்கிய காரணம் இயக்குனர் மித்ரனின் அபாரமான உழைப்பு என்றாலும், ஒயிட் டெவில் என்ற கேரக்டரில் நடித்திருந்த அர்ஜூனுக்கும் இந்த வெற்றியில் மிகப்பெரிய பங்கு உண்டு என்பதே விமர்சகர்களின் கருத்தாக உள்ளது.

இந்த நிலையில் இந்த கேரக்டரில் முதலில் நடிக்க ஒப்பந்தமானவ்ர் ஆர்யா என்பதும் பின்னர் வில்லனாக நடிக்க விருப்பமில்லாமல் இந்த படத்தில் இருந்து விலகிவிட்டார் என்பதும் குறிப்பிடத்தக்கது. ஆர்யா இந்த படத்தில் நடித்திருந்தால் இன்று அர்ஜூனுக்கு கிடைத்து கொண்டிருக்கும் புகழ் அனைத்தும் ஆர்யாவுக்கு கிடைத்திருக்கும்

இருப்பினும் இந்த படத்தின் அருமையான வாய்ப்பை மிஸ் செய்த ஆர்யா, தனது சமூக வலைத்தளத்தில் படக்குழுவினர்களுக்கு வாழ்த்து தெரிவித்துள்ளார். 'இரும்புத்திரை படம் பார்த்தேன். சகோதரர் விஷால் மற்றும் அர்ஜூன் அவர்கள் மிக அருமையாக நடித்துள்ளனர். பி.எஸ்.மித்ரன் திரைக்கதை வேற லெவல். ஒளிப்பதிவாளர் ஜார்ஜ் மற்றும் எடிட்டர் ரூபன் ஆகியோர்களுக்கும் எனது வாழ்த்துக்கள்' என்று தெரிவித்துள்ளார்.