అనుష్క గురించి ఆర్య కామెంట్
- IndiaGlitz, [Thursday,October 29 2015]
అందం, అభిన‌యం...ఈ రెండింటికి మ‌రో పేరు అనుష్క. అరుంథ‌తి, బాహుబ‌లి, రుద్ర‌మ‌దేవి...ఇలా విభిన్న క‌థా చిత్రాల్లో న‌టించి సౌతిండియా స్టార్ హీరోయిన్ గా బాగా పాపుల‌ర్ అయిన అనుష్క న‌టిస్తున్న తాజా చిత్రం సైజ్ జీరో. ఈ చిత్రాన్ని ద‌ర్శ‌కేంద్రుడు రాఘ‌వేంద్ర‌రావు త‌న‌యుడు ప్ర‌కాష్ కొవెల‌మూడి తెర‌కెక్కించారు. తెలుగు, త‌మిళ్ లో ఈ భారీ చిత్రాన్ని పి.వి.పి సంస్థ నిర్మించింది. ఈ సినిమాలో హీరోగా ఆర్య న‌టించారు.
ఈ సినిమా త‌మిళ్ వెర్ష‌న్ ఆడియో ఫంక్ష‌న్ చెన్నైలో జ‌రిగింది. ఈ వేడుక‌లో ఆర్య మాట్లాడుతూ...ఈ సినిమా కోసం అనుష్క 25 కేజీల బ‌రువు పెరిగారు. అనుష్క డెడికేష‌న్ చూసి షాక‌య్యాను. సినిమా కోసం క‌మ‌ల్ హాస‌న్, విక్ర‌మ్ ఎంత శ్ర‌మిస్తారో తెలిసిందే. వీళ్లిద్ద‌రి డెడికేష‌న్ క‌లిస్తే అనుష్క అంటూ అనుష్క‌ని తెగ పొగిడేసాడు ఆర్య. కీర‌వాణి సంగీతాన్ని అందించిన సైజ్ జీరో తెలుగు వెర్ష‌న్ ఆడియోను న‌వంబ‌ర్ 1న, సినిమాను న‌వంబ‌ర్ 27న రిలీజ్ చేయ‌నున్నారు.