நடிகர் ஆர்யா நடித்த திரைப்படம் ஒன்றை இயக்கிய பிரபல இயக்குனர் ஒருவர் அந்த திரைப்படம் இன்னும் வெளியாகாத நிலையில் மீண்டும் ஆர்யா நடிக்கும் படம் ஒன்றை இயக்க முடிவு செய்திருப்பதாக தகவல் வெளிவந்துள்ளது.

ஆர்யா நடிப்பில் சக்தி சௌந்தர்ராஜன் இயக்கிய திரைப்படம் ’டெடி’. அனிமேஷன் கலந்த இந்த திரைப்படத்தின் படப்பிடிப்பு மற்றும் போஸ்ட் புரொடக்ஷன் பணிகள் முடிந்து விரைவில் வெளியாக உள்ளது. இந்த நிலையில் தற்போது ஆர்யா நடிக்கும் அடுத்த படத்தையும் சக்தி சௌந்தர்ராஜன் இயக்க முடிவு செய்துள்ளார். இந்த படத்தை கே9 ஸ்டுடியோஸ் நிறுவனம் தயாரிக்கவுள்ளது என்பதும், இந்நிறுவனம் ஏற்கனவே ஆர்யாவின் ‘சல்பேட்டா பரம்பரை’ என்ற படத்தை தயாரித்து வருகிறது என்பதும் குறிப்பிடத்தக்கது

இயக்குனர் பா ரஞ்சித் இயக்கிய ‘சல்பேட்டா பரம்பரை என்ற திரைப்படத்தில் ஆர்யா பாக்ஸர் கேரக்டரில் நடித்துள்ளார் என்பதும், இந்த படத்தின் படப்பிடிப்பு முடிவடைந்து போஸ்ட் புரொடக்ஷன் பணிகள் தற்போது நடைபெற்று வருகிறது என்பதும் குறிப்பிடத்தக்கது.