சாயிஷா 2 வயதாக இருந்தபோது வாங்கிய கிஃப்ட்.. மகளின் 2வது பிறந்தநாள் பரிசாக கொடுத்த ஆச்சரியம்..!
- IndiaGlitz, [Tuesday,July 25 2023]
நடிகை சாயிஷா இரண்டு வயதாக இருந்தபோது அவரது அம்மா வாங்கிய பிறந்தநாள் கிப்ட் தற்போது சாயிஷாவின் மகளின் இரண்டாவது பிறந்தநாளில் பயன்படுத்தப்பட்டிருப்பதாக தெரிவிக்கப்பட்டுள்ளது ஆச்சரியத்தை அளித்துள்ளது.
நடிகர் ஆர்யா - சாயிஷா நட்சத்திர தம்பதிகளின் மகள் அர்யானா இரண்டாவது பிறந்தநாள் சமீபத்தில் கொண்டாடப்பட்டது. இது குறித்த வீடியோவை சாயிஷா தனது சமூக வலைதளத்தில் வெளியிட்டுள்ளார்.
இந்த வீடியோவில் அவர் இரண்டு என்ற எண்ணில் வடிவமைக்கப்பட்டிருந்த மெழுகுவர்த்தியை எடுத்து காண்பித்த சாயிஷா, இந்த மெழுகுவர்த்தி தனது இரண்டாவது பிறந்த நாளின் போது தனது தாயார் வாங்கியது என்றும் அதை பத்திரமாக 24 ஆண்டுகள் பாதுகாத்து தற்போது தனது மகளின் பிறந்தநாளில் பயன்படுத்தியதாகவும் அவர் தெரிவித்துள்ளார். இந்த தகவல் ரசிகர்களுக்கு பெரும் ஆச்சரியத்தை ஏற்படுத்தியுள்ளது.
மேலும் தனது மகளின் பிறந்தநாள் வீடியோவை அவர் இன்ஸ்டாகிராமில் பதிவு செய்துள்ள நிலையில் இந்த வீடியோ தற்போது இணையத்தில் வைரல் ஆகி வருகிறது.