அரவிந்தசாமி, அமலாபால் நடிப்பில் பிரபல மலையாள இயக்குனர் சித்திக் இயக்கிய 'பாஸ்கர் ஒரு ராஸ்கல்' திரைப்படம் வரும் பொங்கல் ரிலீஸ் பட்டியலில் இணைந்துள்ளது என்பதை ஏற்கனவே பார்த்தோம்

இந்த நிலையில் இந்த படம் தற்போது சென்சார் செய்யப்பட்டுள்ளது. இந்த படத்திற்கு சென்சார் அதிகாரிகள் 'யூஏ' சான்றிதழ் அளித்துள்ளனர். இந்த படம் மலையாளத்தில் கடந்த 2015ஆம் ஆண்டு மம்முட்டி, நயன்தாரா நடிப்பில் வெளிவந்த 'பாஸ்கர் தி ராஸ்கல்' என்ற படத்தின் தமிழ் ரீமேக் என்பது குறிப்பிடத்தக்கது. மலையாள படத்தையும் இயக்குனர் சித்திக் தான் இயக்கினார். ஆனால் மலையாளத்தில் இந்த படம் 'யூ' சான்றிதழ் பெற்ற நிலையில் தமிழுக்கு மட்டும் 'யூஏ' சான்றிதழ் கிடைத்துள்ளது. மலையாளத்திற்கு கிடைத்த யூ சான்றிதழ் தமிழுக்கு ஏன் கிடைக்கவில்லை என்பது படம் பார்த்தால் மட்டுமே புரியும் என்று கருதப்படுகிறது.

அரவிந்த்சாமி, அமலாபால், நாசர், சூரி, ரோபோசங்கர், ரமேஷ் கண்ணா, சித்திக், மாஸ்டர்ராகவ், பேபி நைனிகா மற்றும் முக்கிய வேடத்தில் பாலிவுட் நடிகர் ஆஃப்தாப் ஷிவ்தசானி ஆகியோர் நடித்துள்ளனர். அம்ரேஷ் கணேஷ் இசையமைத்துள்ள இந்த படத்திற்கு விஜய் உலகநாத் ஒளிப்பதிவும், கெளரிசங்கர் படத்தொகுப்பும் செய்துள்ளனர்.