த்ரிஷாவை அடுத்து அரவிந்தசாமிக்கு ஜோடியாகும் பிரபல நடிகை
- IndiaGlitz, [Saturday,October 01 2016]
கடந்த 1990ஆம் ஆண்டுகளில் தமிழின் முன்னணி நடிகர்களில் ஒருவராக இருந்த அரவிந்தசாமி, நீண்ட இடைவெளிக்கு பின்னர் 'தனி ஒருவன்' படத்தில் வில்லனாக ரீ எண்ட்ரி ஆனார். இந்த படம் பெற்ற மாபெரும் வெற்றியால் அவருக்கு வாய்ப்புகள் குவிந்து வருகிறது.
இந்நிலையில் தற்போது ஜெயம் ரவியுடன் 'போகன்' படத்தில் நடித்து வரும் அரவிந்தசாமி, விரைவில் 'சதுரங்க வேட்டை 2' படத்தில் நடிக்கவுள்ளார் என்பதும் இந்த படத்தில் அவருக்கு ஜோடியாக த்ரிஷா நடிக்கவுள்ளார் என்பதும் குறிப்பிடத்தக்கது.
இந்நிலையில் இளையதளபதி விஜய் நடித்த 'திருமலை' படத்தை இயக்கிய ரமணா இயக்கும் புதிய படத்தில் அரவிந்தசாமி நடிக்கவுள்ளதாவும், இந்த படத்தில் பிரபல மலையாள நடிகை மஞ்சுவாரியர் நாயகியாக நடிக்கவுள்ளதாகவும் செய்திகள் வெளிவந்துள்ளது. மஞ்சுவாரியரின் முதல் தமிழ் திரைப்படம் இதுதான் என்பது குறிப்பிடத்தக்கது.