மாலத்தீவில் 'பாஸ்கர் ஒரு ராஸ்கல்' படப்பிடிப்பு
- IndiaGlitz, [Tuesday,August 22 2017]
மம்முட்டி, நயன்தாரா நடிப்பில் மலையாளத்தில் சூப்பர் ஹிட் ஆன திரைப்படம் 'பாஸ்கர் தி ராஸ்கல்'. இந்த படத்தின் தமிழ் ரீமேக் படமான 'பாஸ்கர் ஒரு ராஸ்கல்' படத்தில் அரவிந்தசாமி, அமலாபால் நடித்து வருகின்றனர். இந்த படத்தின் இறுதிக்கட்டத்தில் தற்போது சென்னையில் நடைபெற்று வருகிறது
இந்த நிலையில் பாடல் காட்சி ஒன்றில் படப்பிடிப்பிற்காக 'பாஸ்கர் ஒரு ராஸ்கல்' படக்குழு வரும் 27ஆம் தேதி மாலத்தீவு செல்லவுள்ளனர். மாலத்தீவின் இயற்கை எழில் கொஞ்சும் இடங்களில் பாடல் காட்சியின் படப்பிடிப்பு நடைபெறவுள்ளது.
அரவிந்தசாமி, அமலாபால், நாசர், சூரி, ரோபோ சங்கர், ரமேஷ் கண்ணா, சித்திக், மாஸ்டர் ராகவ் மற்றும் தெறி' பேபி நைனிகா நடிக்கும் இந்த படத்தில் நிகிஷா பட்டேல் சிறப்பு தோற்றத்தில் நடித்துள்ளார்.
அம்ரேஷ் இசையில் விஜய் உலகநாதன் ஒளிப்பதிவில், கெளரிசங்கர் படத்தொகுப்பில் உருவாகி வரும் இந்த படத்தை சித்திக் இயக்கி வருகிறார். மாலத்தீவு பாடல் காட்சியுடன் இந்த படத்தின் படப்பிடிப்பு முடிவடைவதால் வெகுவிரைவில் ரிலீஸ் தேதி அறிவிக்கப்படும் என தெரிகிறது.