ஹாலிவுட் இயக்குனருடன் அரவிந்தசாமி ஒப்பிட்ட இளம் இயக்குனர் யார் தெரியுமா?
- IndiaGlitz, [Thursday,May 31 2018]
கோலிவுட்டின் இளம் இயக்குனர்களில் ஒருவரான கார்த்திக் நரேன் இயக்கிய முதல்படமான 'துருவங்கள் பதினாறு' மிகப்பெரிய வெற்றியை பெற்ற நிலையில் அவர் இயக்கிய இரண்டாவது படமான 'நரகாசுரன்' படத்தின் நாயகனாக அரவிந்தசாமி நடித்தார்.
இந்த நிலையில் சமீபத்தில் ஊடகம் ஒன்றுக்கு பேட்டி அளித்த அரவிந்தசாமி இளம் இயக்குனர் கார்த்திக் நரேனை ஹாலிவுட் இயக்குனர் நைட் ஷையமாலனுடன் ஒப்பிட்டார். இருவரது திரைக்கதையும் கதை சொல்லும் விதமும் பலவிதங்களில் ஒத்துவருவதாக அவர் தெரிவித்தார். நைட் ஷையமாலன் அவர்கள் 'தி சிக்ஸ்த் சென்ஸ்', 'அன்பிரெக்கபிள் மற்றும் 'ஸ்பிலிட்' உள்ளிட்ட படங்களை இயக்கியுள்ளார்.
இந்த நிலையில் சமீபத்தில் கார்த்திக் நரேன் 'நரகாசுரன்' படம் குறித்து இயக்குனர் கெளதம் மேனன் மீது எழுப்பிய குற்றச்சாட்டால் கோலிவுட்டில் பரபரப்பானது என்பது தெரிந்ததே. இருப்பினும் இந்த படத்தின் பிரச்சனைகள் முடிந்து விரைவில் திரைக்கு வரும் என்று எதிர்பார்க்கப்படுகிறது.
அரவிந்தசாமி, ஸ்ரேயா சந்தீப் கிஷான், ஆத்மிகா உள்ளிட்ட பலர் நடித்துள்ள இந்த படத்திற்கு ரான் ஏதான் யோஹான் இசையமைத்துள்ளார். இந்த நிலையில் கார்த்திக் நரேன் இயக்கும் மூன்றாவது படமான 'நாடகமேடை' படத்தின் படப்பிடிப்பு விரைவில் தொடங்கவுள்ளது.