ஒவ்வொரு ஆண்டும் நார்வேயில் தமிழ் திரைப்பட விழா நடைபெறுவது வழக்கம். இந்த விழாவில் சிறந்த படங்கள் மற்றும் கலைஞர்கள் கெளரவிக்கப்படுவார்கள்.

இந்த நிலையில் இந்த ஆண்டுக்கான நார்வே தமிழ் திரைப்பட விழா வரும் ஏப்ரல் 26 முதல் 29ஆம் தேதி வரை நடைபெறவுள்ளது. இந்த விழாவில் விருது பெறும் படங்கள் மற்றும் நட்சத்திரங்கள், தொழில்நுட்ப கலைஞர்கள் தற்போது அறிவிக்கப்பட்டுள்ளது

இதன்படி சமீபத்தில் வெளியாகி மாபெரும் வெற்றி பெற்று அனைத்து தரப்பினர்களையும் கவர்ந்த திரைப்படம் 'அருவி'. இந்த படம் நார்வே தமிழ் திரைப்பட விழாவில் நான்கு விருதுகளை பெறவிருக்கின்றது

சிறந்த நடிகை விருது நாயகி அதிதிபாலனுக்கும், சிறந்த துணை நடிகை விருது அஞ்சலி வரதனுக்கும், சிறந்த எடிட்டர் விருது ரெய்மண்ட் டெர்விக் கிராஸ்டாவுக்கும், சிறந்த தயாரிப்பாளர் எஸ்.ஆர்.பிரபுவுக்கும் அறிவிக்கப்பட்டுள்ளது. விருது பெற்ற அருவி குழுவினர்களுக்கு வாழ்த்துக்கள்