கடந்த ஆண்டு இறுதியில் வெளியான 'அருவி' திரைப்படம் மிகப்பெரிய வெற்றியை அடைந்தது. அருண்பிரபு புருஷோத்தமன் இயக்கத்தில், அதிதி பாலன் நடிப்பில் வெளியான இந்த படத்தை கமல், ரஜினி உள்பட் திரையுலக பிரமுகர்கள் அனைவரும் பாராட்டினர். பிலிம்பேர் விருது, நார்வே தமிழ் திரைப்பட விருது உள்பட பல விருதுகளை இந்த படம் அள்ளியது.

இந்த நிலையில் 'அருவி' இயக்குனர் அருண்பிரபு இயக்கும் அடுத்த படத்தை 24ஏம் ஸ்டுடியோஸ் நிறுவனம் தயாரிக்கவுள்ளது என்று வெளியான செய்தியை ஏற்கனவே பார்த்தோம். இந்த படத்தின் ஆரம்பகட்ட பணிகள் கடந்த சில நாட்களாக நடைபெற்று வந்த நிலையில் தற்போது இந்த படம் பாடல் ஒலிப்பதிவுடன் தொடங்கியுள்ளது.

இதுகுறித்து இயக்குனர் அருண்பிரபு தனது சமூக வலைத்தள பக்கத்தில் கூறியபோது, 'உள் எழுப்பும் பேரிசை!
ஆனந்தம்! பேரானந்தம்! சின்சினாட்டி வாத்தியக்காரர்களுக்கும் சிட்டுக்குருவி கேரோலினாவிற்கும் கோடி முத்தங்கள்! இசைப்பயணம் இனிதே தொடங்கியது! என்று கூறியுள்ளார். இயக்குனரின் இரண்டாவது படமும் வெற்றியடைய வாழ்த்துக்கள் குவிந்து வருகிறது.