அஜித் பட இயக்குனரின் இயக்கத்தில் 'அருவி' நடிகை
- IndiaGlitz, [Wednesday,April 04 2018]
அறிமுக இயக்குனர் அருண்பிரபு இயக்கிய 'அருவி' திரைப்படம் சமீபத்தில் வெளியாகி மிகப்பெரிய வெற்றியை பெற்று அந்த படத்தில் பணிபுரிந்த அனைவருக்கும் நல்ல பெயரையும் புகழையும் பெற்று தந்தது. குறிப்பாக 'அருவி' நாயகி அதிதிபாலனுக்கு பாராட்டுக்கள் குவிந்தது
இந்த நிலையில் 'அருவி' படத்தில் அதிதிபாலனுக்கு தோழியாக நடித்த சுவேதா சேகர், இயக்குனர் வி.இசட். துரை இயக்கவுள்ள வெப்சீரியல் ஒன்றில் நடிக்கவுள்ளார். இயக்குனர் வி.இசட் துரை, அஜித், ஜோதிகா நடித்த 'முகவரி' படத்தை இயக்கியவர் என்பது குறிப்பிடத்தக்கது. மேலும் இவர் சமீபத்தில் சமுத்திரக்கனி நடித்த 'ஏமாலி' என்ற படத்தை இயக்கியுள்ளார் என்பதும் குறிப்பிடத்தக்கது.
இயக்குனர் துரையின் இயக்கத்தில் வெப்சீரியலில் நடிப்பதை நடிகை சுவேதா சேகர் தனது சமூக வலைத்தளத்தில் உறுதி செய்துள்ளார். இயக்குனருடன் இணைந்து எடுத்த புகைப்படம் ஒன்றையும் அவர் பதிவு செய்துள்ளார். மேலும் இந்த வெப்சீரியல் இந்தியில் தயாராகவுள்ளது என்பது குறிப்பிடத்தக்கது. திரைத்துறையில் தற்போல பல பிரச்சனைகள் இருப்பதால் திரையுலகினர் வெப்சீரியலை நோக்கி நகர்ந்து வருகின்றனர் என்பது குறிப்பிடத்தக்கது