அருண்காமராஜை ஆச்சரியப்படுத்திய தளபதி விஜய்யின் வாழ்த்து
- IndiaGlitz, [Wednesday,May 16 2018]
பிரபல பாடகர் மற்றும் பாடலாசிரியர் அருண்காமராஜ் இயக்கும் முதல் படத்தை அவருடைய நெருங்கிய நண்பர் சிவகார்த்திகேயன் தயாரிக்கின்றார் என்பதும் இந்த படத்தின் டைட்டிலான 'கனா' என்று நேற்று வெளியானது என்பதும் தெரிந்ததே. மேலும் இந்த படத்தின் ஃபர்ஸ்ட்லுக் மற்றும் மோஷன் போஸ்டர் சமூக இணையதளங்களில் நல்ல வரவேற்பை பெற்றுள்ளது.
இந்த நிலையில் தளபதி விஜய், அருண்காமராஜூக்கு வாழ்த்து தெரிவித்துள்ளார். இதுகுறித்து அருண்காமராஜ் தனது சமூக வலைத்தளத்தில் கூறியபோது, இதயதளபதி விஜய் அவர்கள் எப்போதும் என்னை ஊக்குவிப்பதிலும், வாழ்த்து தெரிவிப்பதிலும் தவறுவதில்லை. உங்களுடைய வாழ்த்து வார்த்தைகள் எனக்கு பலமடங்கு ஊக்கத்தையும், என்னுடைய கேரியரில் மிகச்சிறந்த படைப்பை அளிக்கும் பலத்தையும் தருகிரது.
உங்களிடம் இருந்து வாழ்த்து பெற்றதை ஒரு மிகப்பெரிய பரிசாக கருதுகிறேன். நன்றி விஜய் சார்' என்று குறிப்பிட்டுள்ளார்.
விஜய் நடித்த தெறி படத்தில் இடம்பெற்ற 'டப் தெறி ஸ்டெப் மற்றும் பைரவா படத்தில் இடம்பெற்ற வர்ல்லாம் வர்ல்லாம் வா பாடலையும் அருண்காமராஜ் எழுதி பாடியுள்ளார் என்பது குறிப்பிடத்தக்கது.