அடுத்த கட்டத்திற்கு சென்ற 'செக்க சிவந்த வானம்'
- IndiaGlitz, [Saturday,June 16 2018]
பிரபல இயக்குனர் மணிரத்னம் இயக்கத்தில் அரவிந்தசாமி, சிம்பு, விஜய்சேதுபதி, அருண்விஜய் ஆகிய நான்கு ஹீரோக்கள் முக்கிய வேடத்தில் நடித்துள்ள திரைப்படம் 'செக்க சிவந்த வானம்'. இந்த படத்தின் படப்பிடிப்பு சமீபத்தில் முடிவடைந்தது என்பதை பார்த்தோம்.
இந்த நிலையில் இந்த படத்தின் டப்பிங் பணிகள் தற்போது தொடங்கியுள்ளது. முதல்கட்டமாக அருண்விஜய் தனது காட்சிகளுக்கான டப்பிங் பணியை தொடங்கியுள்ளார். இந்த தகவலை அவர் தனது சமூக வலைத்தளத்தில் பகிர்ந்துள்ளார். அருண்விஜய்யை அடுத்து சிம்பு, விஜய்சேத்பதி, அரவிந்தசாமி உள்பட இந்த படத்தில் நடித்த அனைவரும் டப்பிங் செய்யவுள்ளனர்.
மேலும் இந்த படத்தின் போஸ்ட் புரடொக்சன்ஸ் பணிகளை அடுத்த மாதத்திற்குள் முடிக்க மணிரத்னம் திட்டமிட்டுள்ளதாகவும், அதன் பின்னர் செப்டம்பர் மாதத்தில் இந்த படத்தை திரையிட திட்டமிட்டுள்ளதாகவும் செய்திகள் வெளிவந்துள்ளது.
அரவிந்தசாமி, சிம்பு, விஜய்சேதுபதி, அருண்விஜய், ஜோதிகா, ஐஸ்வர்யா ராஜெஷ், அதிதிராவ் ஹைத்ரி, பிரகாஷ்ராஜ், ஜெயசுதா, மன்சூர் அலிகான் உள்பட பலர் நடித்துள்ள இந்த படத்திற்கு ஆஸ்கார் நாயகன் ஏ.ஆர்.ரஹ்மான் இசையமைத்துள்ளார். இந்த படத்திற்கு சந்தோஷ் சிவன் ஒளிப்பதிவு செய்துள்ளார்.