இயக்குனர் ஜிஎன்ஆர் குமரவேலன் இயக்கத்தில் அருண்விஜய் நடித்து வரும் திரைப்படம் ’சினம்’. இந்த படத்தின் படப்பிடிப்பு லாக்டவுனுக்கு முன்பே முடிந்துவிட்ட நிலையில் கடந்த சில நாட்களாக இந்த படத்தின் போஸ்ட் புரடொக்சன்ஸ் பணிகள் நடைபெற்று வந்தது.

இந்த நிலையில் இன்று முதல் இந்த படத்தின் டப்பிங் பணி தொடங்கப்பட்டுள்ளது. இதற்கான பூஜையில் அருண்விஜய், விஜயகுமார், இயக்குனர் ஜிஎன்ஆர் குமரவேலன் உள்பட பலர் கலந்து கொண்டனர். பூஜைக்கு பின் அருண்விஜய் தனது பகுதிக்கான டப்பிங் பணியை தொடங்கினார். இதுகுறித்த புகைப்படங்களை அவர் தனது சமூக வலைத்தளத்தில் பதிவு செய்துள்ளார் என்பதும் இந்த புகைப்படங்கள் வைரலாகி வருகிறது என்பதும் குறிப்பிடத்தக்கது.

சினம் படத்தில் அருண்விஜய்க்கு ஜோடியாக பல்லக் லால்வானி என்பவர் நடித்துள்ளார். அருண்விஜய் காவல்துறை அதிகாரியாக நடித்துள்ள இந்த படத்திற்கு ஷபீர் இசையமைத்துள்ளார். கோபிநாத் ஒளிப்பதிவில் உருவாகியுள்ள இந்த படத்தை கே.விஜயகுமார் தயாரித்துள்ளார். லாக்டவுன் முடிந்ததும் இந்த படம் வெளியாகும் என்று கூறப்படுகிறது.

With the blessings of God, started dubbing for our film #Sinam today!! @MSPLProductions @gnr_kumaravelan @ShabirMusic @gopinathdop @silvastunt @DoneChannel1 @knackstudios_ pic.twitter.com/VZd6wSA1RT

— ArunVijay (@arunvijayno1) August 3, 2020