நேரம்' படத்தின் மூலம் தமிழ் ரசிகர்களின் மனதில் இடம் பெற்ற இயக்குனர் அல்போன்ஸ்புத்திரன் சமீபத்தில் இயக்கிய மாபெரும் வெற்றிப்படம் 'பிரேமம்'. இந்த படம் சென்னையில் 200 நாட்களுக்கும் மேல் ஓடி, தமிழ்ப்படங்களுக்கு இணையாக வசூலில் சாதனை புரிந்தது.

இந்நிலையில் இயக்குனர் அல்போன்ஸ்புத்திரன் தனது படத்திற்கான ஆரம்பகட்ட பணியை தொடங்கிவிட்டதாக கூறப்படுகிறது. இந்த புதிய படத்தில் மலையாள சூப்பர் ஸ்டார்களான மம்முட்டி அல்லது மோகன்லால் நடிக்க பேச்சுவார்த்தை நடந்து வருவதாக கூறப்படுகிறது. விரைவில் இருவரில் ஒருவர் முடிவு செய்யப்படுவார்கள் என கூறப்படுகிறது.

மேலும் இந்த படத்தில் இன்னொரு முக்கிய கேரக்டரில் நடிக்க அருண்விஜய் ஒப்பந்தம் செய்யப்பட்டுள்ளதாக கூறப்படுகிறது. 'என்னை அறிந்தால்' படத்திற்கு பின்னர் அருண்விஜய்க்கு மார்க்கெட் ஏறியுள்ளதால் இந்த படத்தில் மிக முக்கிய கேரக்டரில் நடிக்கவுள்ளதாக கூறப்படுகிறது. அருண்விஜய் இந்த படத்தில் வில்லனாக நடிக்கவுள்ளாரா? என்பது குறித்து இன்னும் எவ்வித தகவலும் வெளிவரவில்லை. ஆனால் 'என்னை அறிந்தால்' படம் போலவே இந்த படமும் அருண்விஜய்க்கு நிச்சயம் நல்ல பெயரை வாங்கிக்கொடுக்கும் என்பதை மட்டும் படக்குழுவினர் தெரிவித்துள்ளனர்.