பிரபல இயக்குநர் ஹரி இயக்கத்தில் உருவாகிவரும் புதுப்படம் ஒன்றில் நடிகர் அருண்விஜய் நடித்துவருகிறார். இந்தப் படத்திற்கான படப்பிடிப்பின்போது கையில் காயம் ஏற்பட்டதாகவும் அதற்கு சிகிச்சை எடுத்துக் கொண்டதாகவும் நடிகர் அருண் விஜய் தன்னுடைய இன்ஸ்டாவில் புகைப்படம் ஒன்றை வெளியிட்டு உள்ளார்.

இயக்குநர் ஹரி இயக்கத்தில் உருவாகி வரும் புதுப்படத்தின் படப்பிடிப்பு தற்போது காரைக்குடியில் நடைபெற்று வருகிறது. இதற்கான சண்டைக் காட்சியில் கலந்துகொண்ட நடிகர் அருண் விஜய்க்கு வலது கையில் காயம் ஏற்பட்டுள்ளது. இதற்காக படப்பிடிப்பு முடிந்தவுடன் சிகிச்சை எடுத்துக் கொண்டதாக நடிகர் அருண் விஜய் தன்னுடைய இன்ஸ்டாவில் தெரிவித்து உள்ளார்.

தல அஜித் நடிப்பில் வெளியான “என்னை அறிந்தால்“ திரைப்படத்தில் நடிகர் அருண் விஜய் வில்லனாக நடித்து இருந்தார். இதற்கு ரசிகர்களிடையே பெரும் வரவேற்பு கிடைத்த நிலையில் அதற்குப் பின்பு “குற்றம் 23”, “தடம்”, “மாஃபியா“ போன்ற படங்கள் இவரது நடிப்பில் வெளியாகியது. மேலும் தனது மகனுடன் சேர்ந்து இவர் நடித்த “ஓ மை டாக்” திரைப்படம் விரைவில் வெளியாக உள்ளது.

இந்நிலையில் “சினம்”, “அக்னி சிறகுகள்” போன்ற திரைப்படங்களில் நடித்து முடித்துவிட்டு தற்போது இயக்குநர் ஹரியுடன் இணைந்து புதுப்படத்திற்கான படப்பிடிப்பில் கலந்து கொண்டு வருகிறார். அந்தப் படத்தின் சண்டைக் காட்சியில் தனது வலது கையில் காயம் ஏற்பட்டதாகவும் அதற்காக சிகிச்சை எடுத்துக் கொண்டதாகவும் தெரிவித்து புகைப்படத்தை வெளியிட்டு உள்ளார். இந்தப் புகைப்படத்தைப் பார்த்த ரசிகர்கள் அவருக்கு ஆறுதல் தெரிவித்து வருகின்றனர்.

View this post on Instagram

A post shared by Arun Vijay (@arunvijayno1)