ஓவர் இண்டலிஜெண்ட், யாருப்பா அது? 'தடம்' டிரைலர் விமர்சனம்
- IndiaGlitz, [Tuesday,February 19 2019]
அருண்விஜய் நடிப்பில் மகிழ்திருமேனி இயக்கிய 'தடம்' திரைப்படம் வரும் மார்ச் 1ஆம் தேதி ரிலீஸ் ஆகவுள்ள நிலையில் இந்த படத்தின் டிரைலர் சற்றுமுன் வெளியாகியுள்ளது.
தடயமே இல்லாமல் நடந்த ஒரு கொலையை காவல்துறை கண்டுபிடிப்பதுதான் இந்த படத்தின் கதை என்பது டிரைலரில் இருந்து தெரிய வருகிறது. அந்த ஓவர் இண்டலிஜெண்ட் கொலையாளி யார் என்பதை இயக்குனர் மகிழ்திருமேனி தனது வழக்கமான சஸ்பென்ஸ் திரைக்கதையில் இந்த படத்தை உருவாக்கியுள்ளார்.
ஆக்சன், ரொமான்ஸ் கலந்த இந்த சஸ்பென்ஸ் படம் நிச்சயம் க்ரைம் படங்களை ரசிக்கும் ரசிகர்களுக்கு கவரும் என எதிர்பார்க்கப்படுகிறது. அருண்விஜய்யின் ஆக்சன் மற்றும் ரொமான்ஸ் நடிப்பு படத்திற்கு பிளஸ் ஆக அமையும். சீரியஸான இந்த கதைக்கு யோகிபாபுவின் காமெடி ரிலாக்ஸாக இருக்கும்.
அருண்ராஜின் பின்னணி படத்திற்கு மிகப்பெரிய பலம். கோபிநாத்தின் கேமிராவும், ஸ்ரீகாந்தின் படத்தொகுப்பும் இந்த படத்தை வெற்றிப்பாதைக்கு கொண்டு செல்ல உதவும்