அருண்விஜய் நடித்த ஆக்சன் படமான 'தடம்' திரைப்படம் பிப்ரவரி 22ஆம் தேதி வெளியாகும் என்று அறிவிக்கப்பட்டிருந்தது. ஆனால் ஒருசில நிர்வாக காரணத்தினால் இந்த படத்தின் ரிலீஸ் தேதி மார்ச் மாதத்திற்கு தள்ளிப்போனதாக வெளிவந்த செய்தியை சமீபத்தில் பார்த்தோம்

இந்த நிலையில் 'தடம்' திரைப்படம் மார்ச் 1ஆம் தேதி ரிலீஸ் ஆகும் என தற்போது அதிகாரபூர்வமாக அறிவிக்கப்பட்டு, ரிலீஸ் தேதியுடன் கூடிய புதிய போஸ்டரும் வெளியாகியுள்ளது.

அருண்விஜய் நடித்த 'தடையற தாக்க' படத்தை இயக்கிய மகிழ்திருமேனி இயக்கியுள்ள இந்த படத்தில் அருண்விஜய் இரண்டு வித்தியாசமான வேடங்களில் நடித்துள்ளார். மேலும் இந்த படத்தில் தன்யா ஹோப், வித்யா ப்ரதீப், சோனியா அகர்வால், யோகிபாபு உள்ளிட்ட பலர் நடித்துள்ளனர். அருண்ராஜ் இசையில், கோபிநாத் ஒளிப்பதிவில், ஸ்ரீகாந்த் படத்தொகுப்பில் உருவாகியுள்ள இந்த படத்தை இந்தர்குமார் தயாரித்துள்ளார்.