அருண்விஜய்யின் 'தடம்' ரிலீஸ் தேதியில் திடீர் மாற்றம்
- IndiaGlitz, [Tuesday,February 05 2019]
நடிகர் அருண்விஜய் நடித்து முடித்துள்ள 'தடம்' திரைப்படம் பிப்ரவரி 22ஆம் தேதி வெளியாகும் என்றும் அறிவிக்கப்பட்டிருந்த நிலையில் தற்போது இந்த படத்தின் ரிலீஸ் தேதி திடீரென மார்ச் மாதத்திற்கு மாற்றப்பட்டுள்ளது.
இந்த படத்தின் இசை வெளியீடு நாளை நடைபெறவுள்ளதை அடுத்து புதிய போஸ்டர் ஒன்று சற்றுமுன் வெளியாகியுள்ளது. இதில் இந்த படம் மார்ச் வெளியீடு என குறிப்பிடப்பட்டுள்ளது.
கடந்த ஜனவரி 25ஆம் தேதி அருண்விஜய் பதிவு செய்த ஒரு டுவீட்டில் 'தடம்' திரைப்படம் பிப்ரவரி 22ஆம் தேதி வெளியாகும் என்று அறிவித்திருந்தார். ஆனால் இந்த படத்தின் புரமோஷன் சில நாட்களாக வெளிவராத நிலையில் ரிலீஸ் தேதி ஒத்திவைக்கப்படும் என எதிர்பார்க்கப்பட்டது. அதேபோல் தற்போது இந்த படம் மார்ச் மாதத்திற்கு தள்ளிப்போயுள்ளது.
அருண்விஜய் நடித்த 'தடையற தாக்க' படத்தை இயக்கிய மகிழ்திருமேனி இயக்கியுள்ள இந்த படத்தில் அருண்விஜய் இரண்டு வேடங்களில் நடித்துள்ளார். மேலும் இந்த படத்தில் தன்யா ஹோப், வித்யா ப்ரதீப், சோனியா அகர்வால், யோகிபாபு உள்ளிட்ட பலர் நடித்துள்ளனர். அருண்ராஜ் இசையில், கோபிநாத் ஒளிப்பதிவில், ஸ்ரீகாந்த் படத்தொகுப்பில் உருவாகியுள்ள இந்த படத்தை இந்தர்குமார் தயாரித்துள்ளார்.