தமிழ் திரையுலகின் இளம் நடிகர்களில் ஒருவரான அருண்விஜய், பல ஆண்டுகளாக திரையுலகில் இருந்தாலும் அவருக்கு திருப்பத்தை தந்த படம் அஜித்தின் 'என்னை அறிந்தால்' என்ற படம் தான். விக்டர் என்ற கேரக்டரில் அஜித்துக்கு இணையான ஒரு கேரக்டரில் நடித்த அருண்விஜய், அந்த படத்தின் வெற்றிக்கு பின்னர் பல நல்ல வாய்ப்புகளை பெற்றார்

அந்த வகையில் அருண்விஜய் தற்போது நடித்துள்ள படம் 'தடம்'. இந்த படத்தின் படப்பிடிப்பு மற்றும் போஸ்ட் புரடொக்சன்ஸ் பணிகள் கடந்த சில மாதங்களாக நடைபெற்று வந்த நிலையில் தற்போது இந்த படம் சென்சார் சென்று திரும்பியுள்ளது. சென்சாரில் இந்த படத்திற்கு 'யூஏ' சான்றிதழ் அளித்துள்ளனர். சென்சார் பணிகள் முடிந்துள்ளதை அடுத்து இந்த படத்தின் ரிலீஸ் தேதி விரைவில் அறிவிக்கப்படும் என தெரிகிறது.

தடையற தாக்க' படத்தின் இயக்குனர் மகிழ் திருமேனி இயக்கியிருக்கும் இந்த படத்தில் அருண்விஜய், தன்யா, வித்யா பிரதீப், யோகிபாபு உள்பட பலர் நடித்துள்ளனர். அருண்ராஜ் இசையில் கோபிநாத் ஒளிப்பதிவில் சக்தி படத்தொகுப்பில் உருவாகியிருக்கும் இந்த படத்தை இந்தர்குமார் தயாரித்துள்ளார்.