நடிகர் அருண் விஜய் நடிப்பில் ஜிஎன்ஆர் குமரவேலன் இயக்கத்தில் உருவான திரைப்படம் ‘சினம்’. இந்த படத்தின் டீசர் கடந்த சில மாதங்களுக்கு முன் வெளியாகி நல்ல வரவேற்பை பெற்றது என்பதும் இந்த படம் சென்சாரில் ‘யுஏ’ சான்றிதழ் பெற்றது என்பதும் குறிப்பிடத்தக்கது

இந்த படம் ஏப்ரல், மே மாதமே ரிலீஸ் ஆக திட்டமிட்டிருந்த நிலையில் கொரோனா வைரஸ் ஊரடங்கு காரணமாக ரிலீஸ் தேதி தள்ளிப்போனது. மேலும் இந்த படம் ஓடிடியில் ரிலீஸாக வாய்ப்பு இருப்பதாகவும் கூறப்பட்டது.

இந்த நிலையில் தற்போது இயக்குனர் ஜிஎன்ஆர் குமரவேலன் தனது சமூக வலைத்தளத்தில் இந்த படத்தின் ரிலீஸ் குறித்து கூறிய போது ‘சினம்’ திரைப்படம் விரைவில் திரையரங்குகளில் பிரமாண்டமாக வெளியாக தயாராகி வருகிறது. இந்த கொரோனா காலத்தில் தற்போது பாதுகாப்பான சூழ்நிலை மாறி வருவதை அடுத்து திரையரங்குகள் மிக விரைவில் திறக்கப்படும் நிலை ஏற்பட்டு உள்ளது. எனவே ‘சினம்’ விரைவில் திரையரங்குகளில் ரசிகர்களை சந்திக்க வரும்’ என்று கூறியுள்ளார். இதனை அடுத்து விரைவில் அருண்விஜய்யின் ‘சினம்’ ரிலீஸ் குறித்த அறிவிப்பு வெளிவரும் என்று எதிர்பார்க்கப்படுகிறது.

அருண் விஜய், பாலக் லால்வானி, காளி வெங்கட், உள்பட பலர் நடித்துள்ள இந்த படத்திற்கு ஷபீர் இசையமைத்துள்ளார். கோபிநாத் ஒளிப்பதிவில், ராஜாமுகமது படத்தொகுப்பில் உருவாகியுள்ள இந்த படத்தை மூவி ஸ்லைட்ஸ் பிரைவைட் லிமிடெட் நிறுவனம் தயாரித்துள்ளது.

அருண்விஜய் ஏற்கனவே நவீன் இயக்கத்தில் உருவாகி வரும் ‘அக்னி சிறகுகள்’, அறிவழகன் இயக்கத்தில் உருவாகி வரும் ‘அருண்விஜய் 31’ மற்றும் ஹரி இயக்கத்தில் ஒரு அதிரடி ஆக்சன் படத்தில் நடித்து வருகிறார் என்பதும் குறிப்பிடத்தக்கது.
 

#Sinam is all set to meet its audience at a grand theatrical release!! ??
With the pandemic situation easing down and the theaters gearing up for screening pretty soon, #Sinam too will hit the theatres.. Let's hope for a better and safer environment in the coming days..??❤️ pic.twitter.com/lcwHUjcO3l

— Gnr.kumaravelan (@gnr_kumaravelan) June 27, 2021