மீண்டும் இணைகிறதா 'என்னை அறிந்தால்' டீம்?
- IndiaGlitz, [Wednesday,August 07 2019]
அஜித் நடித்த 'நேர்கொண்ட பார்வை' திரைப்படம் நாளை வெளியாக இருக்கும் நிலையில் அஜித்தின் அடுத்தப் படமான 'தல 60' திரைப்படத்தின் பூஜையுடன் கூடிய படப்பிடிப்பு வரும் 29 ஆம் தேதி முதல் தொடங்கும் என போனிகபூர் ஏற்கனவே அறிவித்து இருந்தார் என்பதை பார்த்தோம்.
இந்த நிலையில் 'தல 60' படத்தில் அருண்விஜய் முக்கிய கேரக்டரில் நடிக்க இருப்பதாக செய்திகள் வெளிவந்துள்ளது. ஏற்கனவே அஜீத்த்துடன் அருண்விஜய் இணைந்து நடித்த 'என்னை அறிந்தால்' திரைப்படம் அருண்விஜய்க்கு ஒரு முக்கிய திருப்புமுனையை கொடுத்த நிலையில் தல 60' படத்தில் அவர் என்ன கேரக்டரில் நடிக்கவுள்ளார் என்பதை அறிய அஜித் ரசிகர்கள் மட்டுமின்றி அருண்விஜய் ரசிகர்களும் ஆவலுடன் காத்திருக்கின்றனர்.
போனிகபூர் தயாரிப்பில், எச்.வினோத் இயக்கத்தில் உருவாகவிருக்கும் இந்த படத்தில் போனிகபூரின் மகள் ஜான்வி கபூரும் நடிக்கவிருப்பதாக ஏற்கனவே செய்திகள் வெளிவந்தன. இந்த செய்திகள் அனைத்தும் உறுதி செய்யப்பட்டால் அஜித்துக்கு ஹாட்ரிக் வெற்றி என்பதை அவரது ரசிகர்கள் எழுதி வைத்து கொள்ளலாம்.