அருண்விஜய்யின் அடுத்த பட டைட்டில் இதுதான்...
- IndiaGlitz, [Thursday,May 12 2016]
தல அஜித் நடித்த 'என்னை அறிந்தால்' படத்தில் விக்டர் என்ற கேரக்டரில் நடித்த பின்னர் ஒரு பெரும் திருப்புமுனையை பெற்ற நடிகர் அருண்விஜய் நடிக்கவுள்ள அடுத்த படத்தின் டைட்டிலை இன்று காலை 8 மணிக்கு பிரபல இயக்குனர் வெங்கட்பிரபு தனது டுவிட்டரில் அறிவிக்கவுள்ளார் என்பதை ஏற்கனவே பார்த்தோம்.
இந்நிலையில் இந்த படத்தின் டைட்டில் தற்போது அதிகாரபூர்வமாக அறிவிக்கப்பட்டுள்ளது. இந்த படத்தின் டைட்டில் 'குற்றம் 23' என்பதுதான். இந்த படம் அருண்விஜய்யின் 23வது படம் என்பதும் இங்கே குறிப்பிடத்தக்கது.
'ஈரம்', வல்லினம், ஆறாது சினம் ஆகிய படங்களை இயக்கிய இயக்குனர் அறிவழகன் இந்த படத்தை இயக்கவுள்ளார்.