போலீஸையே அடிக்குறியா..? நீ என்ன கேங்க்ஸ்டரா? அருண்விஜய்யின் 'மிஷன்' டீசர்..!
- IndiaGlitz, [Wednesday,April 05 2023]
அருண் விஜய் நடிப்பில் ஏஎல் விஜய் இயக்கத்தில் உருவான ’அச்சம் என்பது இல்லையே’ என்ற திரைப்படம் சமீபத்தில் ’மிஷன்’ என்ற டைட்டில் மாற்றப்பட்டது என்பதும் இந்த படத்தின் ரிலீஸ் உரிமையை லைகா நிறுவனம் பெற்றது என்பதை பார்த்தோம். இந்த நிலையில் ’மிஷன்’ படத்தின் டீசர் சற்று முன் வெளியாகி இணையதளங்களில் வைரலாகி வருகிறது.
உலகின் முக்கிய குற்றவாளிகள் அடைக்கப்பட்டு இருக்கும் லண்டன் சிறையில் நடைபெறும் ஒரு முக்கிய நிகழ்வு தான் இந்த படத்தின் கதை என்பது இந்த டீசரில் இருந்து தெரிய வருகிறது.
இந்த சிறைச்சாலையில் சிறை அதிகாரியாக எமி ஜாக்சன் இருக்கும் நிலையில் இந்த சிறையில் இருக்கும் அருண் விஜய் தப்பித்து தனது குழந்தையை பார்க்க வேண்டும் என்று எடுக்கும் முயற்சி வெற்றி பெற்றதா? என்பதுதான் இந்த படத்தின் கதை என்பது தெரிய வருகிறது. அதிரடி ஆக்சன் காட்சிகள் அடங்கிய இந்த படம் நிச்சயம் அருண் விஜய் ரசிகர்களுக்கு ஒரு விருந்தாக இருக்கும் என்று எதிர்பார்க்கப்படுகிறது.
அருண் விஜய், எமி ஜாக்சன், நிமிஷா சஜயன், அபி ஹாசன் உள்பட பலர் நடிப்பில் உருவான இந்த படத்திற்கு ஜிவி பிரகாஷ் இசையமைத்துள்ளார். இந்த படம் விரைவில் திரையரங்குகளில் வெளியாக உள்ளது என்பது குறிப்பிடத்தக்கது.