நடிகர் அருண் விஜய் மற்றும் விஜய் ஆண்டனி ஆகிய இருவரும் இணைந்து நடித்து வரும் ’அக்னி சிறகுகள்’ என்ற படத்தின் படப்பிடிப்பு விறுவிறுப்பாக நடைபெற்று வருவது தெரிந்ததே. இந்த படத்தில் ஒரு முக்கிய வேடத்தில் உலகநாயகன் கமல்ஹாசனின் மகளும் நடிகையுமான அக்சராஹாசன் நடிக்கிறார் என்பது குறிப்பிடத்தக்கது

இந்த படத்தின் முதல் கட்ட படப்பிடிப்பு ரஷ்யாவில் நடைபெற்ற நிலையில் அடுத்தகட்ட படப்பிடிப்பு சென்னையில் தற்போது விறுவிறுப்பாக நடைபெற்று வருகிறது இந்த படத்தில் அர்ஜுன் ரெட்டி நாயகி ஷாலினி பாண்டே, பிரகாஷ் ராஜ், நாசர், பிக் பாஸ் புகழ் மீராமிதுன், தலைவாசல் விஜய் உள்பட பலர் நடித்து வருகின்றனர்

’மூடர்கூடம்’ நவீன் இயக்கி வரும் இந்த படத்தில் அருண் விஜய் நடிக்கும் கேரக்டர் குறித்த தகவலை படக்குழுவினர் சற்றுமுன் அறிவித்துள்ளனர். அருண் விஜய் ’ரஞ்சித்’ என்ற கேரக்டரில் நடித்து வருவதாக அறிவித்து அருண்விஜய் கேரக்டரின் அட்டகாசமான போஸ்டர் ஒன்றையும் படக்குழுவினர் வெளியிட்டுள்ளனர். அம்மா கிரியேஷன்ஸ் சிவா தயாரித்து வரும் இந்த படத்திற்கு நடராஜன் சங்கர் என்பவர் இசையமைக்கிறார்.