அருண்விஜய்யின் 31வது படம் குறித்த முக்கிய அப்டேட்!
- IndiaGlitz, [Sunday,January 10 2021]
அருண் விஜய் நடிப்பில் ’ஈரம்’ இயக்குனர் அறிவழகன் இயக்கத்தில் கடந்த 2017ஆம் ஆண்டு வெளிவந்த ’குற்றம் 23’ என்ற திரைப்படம் மிகப் பெரிய வெற்றி பெற்றதை அடுத்து மீண்டும் இருவரும் இணைந்து ஒரு படத்தில் பணிபுரிந்து வந்தனர் என்ற செய்தியையும் ஏற்கனவே பார்த்தோம்
இந்த நிலையில் அருண் விஜய்யின் 31வது படமான இந்த படத்தின் படப்பிடிப்புகள் கடந்த சில நாட்களாக நடைபெற்று வந்த நிலையில் தற்போது இந்த படத்தின் படப்பிடிப்பு முடிவடைந்து உள்ளதாக அதிகாரப்பூர்வமாக அறிவிக்கப்பட்டுள்ளது. மேலும் ’அருண்விஜய் 31’ படத்தின் படப்பிடிப்பு முடிவுக்கு வந்ததை அடுத்து படக்குழுவினர் அனைவரும் இணைந்து எடுத்த புகைப்படம் ஒன்றும் தற்போது சமூக வலைதளங்களில் வைரலாகி வருகிறது
இந்த படத்தின் ஃபர்ஸ்ட் லுக் போஸ்டர், டீஸர், டிரைலர் ஆகியவை அடுத்தடுத்து வெளியாகும் என்றும் படக்குழுவினர் தரப்பில் இருந்து தகவல்கள் வெளிவந்துள்ளது. அருண் விஜய் ஜோடியாக ரெஜினா நடித்துள்ள இந்த படத்தில் ஸ்டெபி பட்டேல் என்ற நடிகை முக்கிய கேரக்டரில் நடித்துள்ளார்
சிஎஸ் சாம் இசையில், ராஜசேகர் ஒளிப்பதிவில் சாபு ஜோசப் படத்தொகுப்பில் உருவாகியுள்ள இந்த படத்தில் நடிகர் பகவதி பெருமாளும் முக்கிய கேரக்டரில் நடித்துள்ளார் என்பது குறிப்பிடதக்கது. அதிரடி ஆக்சன் திரில்லர் படமாக உருவாகியிருக்கும் இந்த படத்தை ஆல் இன் ஆல் பிக்சர்ஸ் நிறுவனம் தயாரித்துள்ளது