தல அஜித் நடித்த ‘என்னை அறிந்தால்’ படத்தில் நடித்த பின் தமிழ் சினிமாவில் தனக்கென ஒரு இடத்தை பிடித்து, தொடர்ந்து வெற்றிப்படங்களை தந்து கொண்டிருப்பவர் நடிகர் அருண்விஜய். தற்போது அவர் நடித்து கொண்டிருக்கும் படங்களில் ஒன்றை இயக்குனர் ஜி.என்.ஆர் குமரவேலன் இயக்கி வருகிறார் என்பது தெரிந்ததே.

இந்த படத்தின் டைட்டில் இன்று அறிவிக்கவிருப்பதாக ஏற்கனவே தெரிவிக்கப்பட்டிருந்த நிலையில் சற்றுமுன் இந்த படத்தின் டைட்டில் போஸ்டர் வெளியாகியுள்ளது. இந்த படத்திற்கு ‘சினம்’ என்ற டைட்டில் வைக்கப்பட்டுள்ளது.

அருண்விஜய்யின் 30வது படமான இந்த படத்திற்கு ஷபீர் இசையமைக்கின்றார். கோபிநாத் ஒளிப்பதிவில் மதன்கார்க்கி பாடல் வரிகளில் ஸ்டண்ட் சில்வா ஆக்சனில் உருவாகிறது. இந்த படத்தை மூவி ஸ்லைட் பிரைவைட் லிமிடெட் நிறுவனம் தயாரித்து வருகிறது.

மேலும் அருண்விஜய் தற்போது ‘அக்னி சிறகுகள், பாக்ஸர், மாஃபியா ஆகிய படங்களிலும் நடித்து வருகிறார் என்பது குறிப்பிடத்தக்கது.