சூப்பர்ஹிட் பட ரீமேக்கில் நடிக்கும் அப்பா-மகள்
- IndiaGlitz, [Friday,February 07 2020]
கடந்த ஆண்டு வெளியான மலையாள சூப்பர் ஹிட் திரைப்படம் ’ஹெனல்’. அப்பா மகள் குறித்த உறவை கொண்ட இந்த படத்தின் இரண்டாம் பாதியில் திடீரென மகள் காணாமல் போக, அப்பா மகளை தேடும் ஒரு த்ரில் கதையம்சம் கொண்ட திரைப்படம்தான் இந்த ‘ஹெலன்’. இந்த திரைப்படத்தை தமிழில் ரீமேக் செய்ய கடந்த சில வாரங்களாக பேச்சுவார்த்தை நடந்து வந்த நிலையில் தற்போது இந்த படம் உறுதி செய்யப்பட்டுள்ளது
‘ஹெலன்’தமிழ் ரீமேக் படத்தில் அப்பா மற்றும் மகள் கேரக்டரில் உண்மையான அப்பா மகளாகிய அருண் பாண்டியன் மற்றும் கீர்த்தி பாண்டியன் ஆகியோர் நடிக்கவுள்ளனர். இந்த படத்தை கோகுல் என்பவர் இயக்க உள்ளார். இவர் ஏற்கனவே மக்கள் செல்வன் விஜய் சேதுபதி நடித்த ‘இதற்குத்தானே ஆசைப்பட்டாய் பாலகுமாரா’ என்ற படத்தை இயக்கியவர் என்பது குறிப்பிடத்தக்கது
அருண்பாண்டியனின் ஏ&பி குரூப்ஸ் தயாரிக்கும் இந்தப் படத்தின் படப்பிடிப்பு விரைவில் தொடங்க உள்ளது இந்த படத்தின் பூஜை இன்று காலை சென்னையில் நடைபெற்றது என்பதும் படக்குழுவினர் அனைவரும் இந்த பூஜையில் கலந்து கொண்டனர் என்பது குறிப்பிடத்தக்கது