உலக நாயகன் கமல்ஹாசன் நடிப்பில் சமீபத்தில் வெளியான 'பாபநாசம்' திரைப்படம் மாபெரும் வெற்றி பெற்றது மட்டுமின்றி, இந்த படம் ரூ.100 கோடி கிளப்பில் இணைந்தது என்பதை ஏற்கனவே அறிவோம். மேலும் 'பாபநாசம்' திரைப்படம் வெறும் 39 நாட்களில் படமாக்கப்பட்டு சாதனை படைத்தது. இதேபோல், தற்போது அருள்நிதி நடித்து 'ஆறாது சினம்' படத்தின் படப்பிடிப்பையும் 39 நாட்களில் முடிக்க அப்படத்தின் இயக்குனர் 'ஈரம்' அறிவழகன் திட்டமிட்டுள்ளார்.

தற்போது முதல்கட்டமாக 15 நாட்கள் படப்பிடிப்பு முடிந்துவிட்டதாகவும், இன்னும் 24 நாட்களில் படத்தின் முழு படப்பிடிப்பும் முடிந்துவிடும் என்றும் கூறப்படுகிறது. இந்த தகவலை இயக்குனர் அறிவழகன் தன்னுடைய சமூக வலைத்தளத்தில் தெரிவித்துள்ளார்.

ஸ்ரீதேனாண்டாள் பிலிம்ஸ் நிறுவனம் தயாரித்து வரும் இந்த படத்தில் அருள்நிதி, ஐஸ்வர்யா தத்தா, ஐஸ்வர்யா ராஜேஷ் மற்றும் பலர் இந்த படத்தில் நடித்துள்ளனர்.