தமிழ் திரையுலகின் இளையதலைமுறை நடிகர்களில் ஒருவராகிய அருள்நிதி, சரியான கதையை தேர்வு செய்து வெற்றி படங்களாக கொடுத்து வருவது தெரிந்ததே. அந்த வகையில் அவர் நடித்து வந்த அடுத்த படம் ஒன்றின் படப்பிடிப்பு தற்போது முடிவுக்கு வந்துள்ளது.

எஸ்பிஐ சினிமாஸ் நிறுவனத்தின் தயாரிப்பில் இயக்குனர் பரத் நீலகண்டன் இயக்கத்தில் அருள்நிதி ஒரு படத்தில் நடித்து வந்தார். அருள்நிதிக்கு ஜோடியாக ஷாரதா ஸ்ரீநாத் நடிக்க, முக்கிய வேடங்களில் யோகிபாபு, காயத்ரி, ரமேஷ் திலக், எருமைச்சாணி விஜய், மதுமிதா உள்பட பலர் இந்த படத்தில் நடித்துள்ளனர்.

தர்புகா சிவா இசையில், தாமரை பாடல் வரிகளில் அந்தோணி ரூபன் படத்தொகுப்பில் சுதேஷ் சண்டைப்பயிற்சியில் உருவாகியுள்ள இந்த படத்தின் போஸ்ட் புரடொக்சன்ஸ் பணிகள் விரைவில் தொடங்கவுள்ளதாகவும், இந்த படத்தின் டைட்டில் மற்றும் ஃபர்ஸ்ட்லுக் ரிலீஸ் தேதி விரைவில் அறிவிக்கப்படும் என்றும் கூறப்படுகிறது.