அருள்நிதியின் 'கழுவேத்தி மூர்க்கன்' ரிலீஸ் தேதி அறிவிப்பு.. வேற லெவல் போஸ்டர்..!
- IndiaGlitz, [Thursday,May 11 2023]
அருள்நிதி நடிப்பில் உருவாகி வந்த ’கழுவேத்தி மூர்க்கன்’ என்ற படத்தின் படப்பிடிப்பு சமீபத்தில் முடிவடைந்து இறுதி கட்ட போஸ்ட் புரொடக்ஷன் பணிகள் நடைபெற்று வருவதாக கூறப்பட்டது.
மேலும் இந்த படம் மே மாதம் ரிலீஸ் ஆகும் என்றும் விரைவில் ரிலீஸ் தேதி அறிவிக்கப்படும் என்றும் அருள்நிதி தனது சமூக வலைத்தளத்தில் தெரிவித்து இருந்தார். மேலும் மே வெளியீடு என்ற அறிவிப்புடன் கூடிய போஸ்டர் ஒன்றையும் அவர் வெளியிட்டிருந்த நிலையில் இந்த படத்தின் ரிலீஸ் தேதி விரைவில் அறிவிக்கப்படும் என்று கூறப்பட்டது.
இந்த நிலையில் சற்றுமுன் படக்குழுவினர் ரிலீஸ் தேதியுடன் கூடிய அட்டகாசமான வேற லெவல் போஸ்டரை வெளியிட்டுள்ளனர். இந்த போஸ்டரில் ’கழுவேத்தி மூர்க்கன்’ மே 26 ஆம் தேதி வெளியாகும் என்று அறிவிக்கப்பட்டுள்ளது. இதனை அடுத்து இந்த படத்தின் புரமோஷன் பணிகளை படக்குழுவினர் இன்னும் ஒரு சில நாட்களில் தொடங்க உள்ளனர் என்பது குறிப்பிடத்தக்கது.
கௌதம ராஜ் இயக்கத்தில், டி. இமான் இசையில், ஸ்ரீதர் ஒளிப்பதிவில், நாகூரான் படத்தொகுப்பில் உருவாகி வரும் இந்த படத்தில் அருள்நிதிக்கு ஜோடியாக ’சார்பாட்டா பரம்பரை’ படத்தில் நடித்த நடிகை துஷாரா நடித்துள்ளார் என்பது குறிப்பிடத்தக்கது.