பிரபல திரைப்பட கலை இயக்குனர் காலமானார்
- IndiaGlitz, [Thursday,September 21 2017]
பிரபல திரைபட கலை இயக்குனர் ஜிகே என்கிற கோபிகிருஷ்ணா நேற்று நள்ளிரவு காலமானார். அவருக்கு வயது 60
கடந்த சில நாட்களாக இருதய பிரச்சனை காரணமாக சிகிச்சை பெற்று வந்த ஜிகே, கடந்த செப்டம்பர் 14ஆம் தேதி சென்னையில் உள்ள தனியார் மருத்துவமனை ஒன்றில் சிகிச்சைக்காக அனுமதிக்கப்பட்டார். மருத்துவமனையில் அவருக்கு தீவிர சிகிச்சை பிரிவில் சிகிச்சை அளிக்கப்பட்டு வந்தபோதிலும் சிகிச்சையின் பலனின்றி நேற்று நள்ளிரவில் அவர் காலமானார்
மறைந்த கலை இயக்குனர் ஜிகே அவர்களுக்கு நாகேஸ்வரி என்ற மனைவியும், கிருஷ்ணா என்ற மகனும் ஹேமச்சந்திரா என்ற மகளும் உள்ளனர்.
மறைந்த ஜிகே அவர்களின் உடல் வளசரவாக்கத்தில் உள்ள அவரது இல்லத்தில் வைக்கப்பட்டுள்ளது. அவரது உடலுக்கு திரையுலக பிரமுகர்கள் இறுதிமரியாதை செலுத்தி வருகின்றனர். அவருடைய ஆன்மா சாந்தியடைய இறைவனை பிரார்த்தனை செய்வோம்