ஆஸ்கார் நாயகன் ஏ.ஆர்.ரஹ்மான் அவர்கள் பொதுவாக தான் இசையமைத்த படமாக இருந்தாலும் பெரிய அளவில் புரமோஷன் செய்ய மாட்டார். ஆனால் ரஜினியின் '2.0' குறித்த பல தகவல்களை அவ்வபோது தனது சமூக வலைத்தள பக்கத்தில் பதிவு செய்து வருவதை நாம் பார்த்து வருகிறோம். இந்த நிலையில் ஏ.ஆர்.ரஹ்மான், சற்றுமுன் 2.0 படத்தில் 4 நாட்கள் வசூல் குறித்த தகவலை பகிர்ந்துள்ளார்.

2.0' திரைப்படம் வெளியான 4 நாட்களில் உலகம் முழுவதும் ரூ.400 கோடி வசூல் செய்துள்ளதாக பிரபல ஆங்கில ஊடகம் ஒன்று வெளியிட்ட செய்தியை ஏ.ஆர்.ரஹ்மான் தனது சமூக வலைத்தள பக்கத்தில் குறிப்பிட்டுள்ளார்.

மேலும் அமெரிக்காவில் தென்னிந்திய திரைப்படம் ஒன்று நான்கு நாட்களில் செய்த அதிகபட்ச தொகையை 2.0 வசூல் செய்துள்ளதாகவும், இதற்கு முன்னர் இந்த சாதனையை தக்க வைத்திருந்த 'ரங்கஸ்தலம்' என்ற தெலுங்கு படத்தின் சாதனையை இந்த படம் முறியடித்துள்ளதாகவும் அந்த ஆங்கில ஊடகம் குறிப்பிட்டுள்ளது.