பிரபல இயக்குனர் ராதாமோகன் இயக்கத்தில் உருவாகவுள்ள 'துமாரி சூளு' என்ற படத்தின் தமிழ் ரீமேக் படத்தில் நடிகை ஜோதிகா நடிக்கவுள்ளார் என்பதை ஏற்கனவே பார்த்தோம். 

இந்த படத்திற்கு 'காற்றின் மொழி' என்ற டைட்டில் வைக்கப்பட்டுள்ளது. ஜோதிகா நடித்த மொழி' படத்தின் பாடல் வரி இது என்பது குறிப்பிடத்தக்கது. இந்த நிலையில் இந்த படத்திற்கு ஏ.ஆர்.ரஹ்மான் அவர்களின் உறவினர் ஏ.ஹெச். காசிப் என்பவர் இசையமைப்பாளராக அறிமுகமாகவுள்ளார். 

இந்த படத்தில் பிரபல நடிகர் விதார்த், ஜோதிகாவின் கணவராக நடிப்பதாகவும், பிரபல தெலுங்கு நட்சத்திரம் லட்சுமி மஞ்சு முக்கிய வேடத்தில் நடிக்கின்றார் என்பதும் தெரிந்ததே.

வரும் ஜூன் மாதம் இந்த படத்தின் படப்பிடிப்பு தொடங்கவுள்ளதாகவும், இந்த படத்தை வரும் அக்டோபர் மாதத்தில் ரிலீஸ் செய்ய தயாரிப்பாளர் தனஞ்செயன் முடிவு செய்திருப்பதாகவும் கூறப்படுகிறது