'தளபதி 62' படத்தில் மீண்டும் 'மெர்சல் மேஜிக்!
- IndiaGlitz, [Tuesday,January 02 2018]
தளபதி விஜய் நடித்த 'மெர்சல்' படம் கடந்த ஆண்டின் சூப்பர் ஹிட் வெற்றிப்படங்களில் ஒன்றாக இருந்தது என்பதும், இந்த படத்தின் வெற்றிக்கு உறுதுணையாக இருந்த பல அம்சங்களில் ஒன்று ஆஸ்கார் நாயகன் ஏ.ஆர்.ரஹ்மான் இசை என்பது அனைவரும் அறிந்ததே. ஆளப்போறான் தமிழன்' உள்பட இந்த படத்தின் பாடல்கள் அனைத்தும் சூப்பர் ஹிட் ஆனதோடு பின்னணி இசையிலும் ரஹ்மான் தனது மேஜிக்கை காண்பித்திருந்தார்.
இந்த நிலையில் இந்த மேஜிக் மீண்டும் 'தளபதி 62' படத்திலும் தொடரும் என்று கடந்த சில மாதங்களாக செய்திகள் வந்த நிலையில் தற்போது ஏ.ஆர்.ரஹ்மான் 'தளபதி 62' படத்தில் இணைவது உறுதி என்று நம்பத்தகுந்த வட்டாரங்கள் கூறுகின்றன. இதுகுறித்த அதிகாரபூர்வ அறிவிப்பு மிக விரைவில் வெளியாகவுள்ளது.
ஏற்கனவே 'தளபதி 62' படத்தின் ஒளிப்பதிவாளர் கிரிஷ் கங்காதரன் என்பதும், எடிட்டர் ஸ்ரீகர் பிரசாத் என்பதும், இந்த படத்தை சன் பிக்சர்ஸ் நிறுவனம் தயாரிக்கவுள்ளது என்பதும் தெரிந்ததே.